Jape Group daudaun tama faze foun ida ho identidade marka ne’ebe hadiak ona no hatudu nia istoria, nia abut iha familia no nia dalan ba futuru nudar lider boot iha rejiaun ba setor propriedade, ospitalidade no komersiu retallu.
Liu tinan 40 ona, Jape Group harii prezensa ida ne’ebe ema fiar iha parte norte Australia no Timor-Leste. Ohin loron, marka foun nee lori klareza, unidade no forsa boot liu tan ba legadu nee, hodi halibur Grupu nia portfoliu ne’ebe buras bebeik iha marka prinsipal ida nia okos, no iha tempu hanesan fo dalan ba negosiu ida-idak atu rai nafatin nia identidade no objetivu rasik.
Iha direksaun foun nee nia klaran, iha pozisionamentu ida ne’ebe klaru: Harii Destinasaun. Liga Rejiaun sira. Kria Legadu. Nee hatudu saida mak Jape Group sempre halo ho di’ak tebes. Grupu nee la’os entrega de’it projetu dezenvolvimentu. Nia kria fatin sira ne’ebe ema hela, servisu, sosa sasan, pasa kalan no hasoru malu. Husi fatin ikoniku sira hanesan Timor Plaza no Jape Homemaker Village to’o nia negosiu sira seluk iha setor propriedade, komersiu retalhu no ospitalidade, Jape Group kontinua harii destinasaun sira ne’ebe apoia komunidade no hametin kresimentu iha rejiaun.
Identidade foun nee mos iha signifikadu pesoal tebes. Logotipu nee hetan inspirasaun husi buganvilia nia tahan, no forma tahan par sanulu ne’ebe liga malu, hodi simboliza maun-alin feto-mane Jape na’in sanulu nia unidade, forsa no espiritu hamutuk. Tahan par ida-idak reprezenta independensia no individualidade, enkuantu forma tomak reprezenta familia ida ne’ebe la’o ba oin hamutuk ho objetivu hanesan.
Ema hatene ai-funan buganvilia tanba nia forsa moris, nia kbiit atu hamrik metin no nia kbiit atu kontinua funan maski iha kondisaun susar. Hanesan mos ho familia Jape nia istoria: istoria ida kona-ba hakas-an nafatin, tulun malu no ligasaun ne’ebe metin nafatin. Maski membru familia ida-idak la’o tuir nia dalan rasik, sira nia abut sei hanesan nafatin no sira nia objetivu mos sei la’o ba direksaun hanesan.
Simbolu nee laos de’it marka vizual ida. Nee deklarasaun ida kona-ba Jape Group nia identidade: grupu ida ne’ebe familia mak na’in, ne’ebe la’o tuir nia valor sira, ne’ebe forte hasoru dezafiu no ne’ebe hateke ba futuru. Simbolu nee hatudu negosiu ida ne’ebe iha abut metin iha nia eransa, maibe harii atu la’o ba progresu.
Ho marka ne’ebe hafoun ona nee, Jape Group iha pozisaun di’ak liu atu hatudu nia dimensaun, nia profisionalizmu no nia knaar nudar lider ida ne’ebe ema fiar no ne’ebe servisu liu fronteira. Nee marka ida ne’ebe harii iha ezelensia, integridade, inovasaun, impaktu ba komunidade no empoderamentu rejional. Importante liu, nee marka ida ne’ebe prontu ona ba nia kapitulu tuir mai.