Jape Kong Su Empowerment Initiative tama ba nia kapitulu tuir mai ho identidade marka nebe hafoun ona no naran ida nebe klaru no bazeia ba objetivu. Naran ne’e hatudu diresaun futuru organizasaun karidade nian.
Inisiativa ne’e harii hodi onra legadu Señor Jape Kong Su nian, no nia harii iha valor sira nebe forma Jape Group: integridade, vizaun ba futuru, disiplina no kompromisu metin ba komunidade. Diresaun foun ba marka ne’e hametin legadu ne’e, no iha tempu hanesan kria plataforma ida nebe klaru liu hodi fo impaktu iha futuru iha Timor-Leste no iha parte norte Australia.
Iha nia esensia, Jape Kong Su Empowerment Initiative eziste atu kria oportunidade. Nia servisu foka ba programa pratiku sira ne’ebé hadi’a asesu ba edukasaun, saúde, dezenvolvimentu abilidade no meiu moris ne’ebé sustentavel. Identidade foun ne’e hatudu organizasaun karidade ida ne’ebé la’o liu tiha asistensia de’it no muda ba hakbiit ema ba tempu naruk. Organizasaun ne’e investe iha ema, harii kapasidade no apoia komunidade sira hodi kria mudansa ne’ebé signifikativu ba jerasaun barak.
Naran ne’e rasik iha objetivu. Jape Kong Su onra fundador nia vizaun no legadu. Empowerment hatudu organizasaun nia fiar iha fo konhesimentu, rekursu no oportunidade ba ema atu hadi’a sira nia moris. Initiative hatudu asaun, parseria no rezultadu nebe bele sukat.
Area prinsipal sira nebe Inisiativa ne’e foka ba inklui edukasaun no dezenvolvimentu foin-sa’e, asesu ba kuidadu saude, agrikultura no meiu moris sustentavel, no hametin kapasidade komunidade nian. Ho area sira ne’e, Inisiativa ne’e agora prontu ona ba nia faze tuir mai: fo impaktu nebe iha alvu loos, pratiku no dura ba tempu naruk iha fatin nebe presiza liu.
Ne’e laos deit aparensia foun. Ne’e kompromisu nebe hafoun ona atu hametin komunidade sira, loke potensial no harii futuru nebe di’ak liu.